Idade recomendada: >14 anos
Duración: 70 min
Lingua: galego
#posfunción: 23 de febreiro ao remate da función
Nicolás reúne a súa familia para despedirse do espazo que os viu crecer, a casa da infancia cun vello ultramarinos bar que rexentaban os seus pais e no que agora vive con María, a súa parella. A expropiación do lugar por causa da construción dun parque eólico é o motivo desta xuntanza. Olivia acode con Rubén despois de moitos anos sen contacto familiar. As lembranzas do pasado, unha visita non esperada, as relacións entres irmáns, a necesidade de mirar o futuro e a importancia do pasado fan de NOSO unha dramedia que visibiliza o conflito xeracional e de pertenza ao lugar de onde vimos.
Elenco: Denis Gómez, María Roja, Rebeca Vecino, Jimmi Núñez e Sete Eiroa
Espazo escénico e vestiario: Marisa de La Iglesia
Deseño iluminación: Daniel Pais
Música: Os Náufragos Teatro
Axudante dirección: Irene Lorenzo
Produción: Antonio Vázquez
Os Náufragos teatro é unha cía de consolidada traxectoria e compromiso coa creación galega e co teatro social. As súas pezas entenden o teatro como ferramenta pedagóxica e buscan xerar tecido cultural e dar visibilidade ás realidades de colectivos vulnerables e vulnerados, á interculturalidade, á inclusión e á diversidade.
A Escola ON nace en 2019 como a aposta persoal dun profesorado comprometido coas artes escénicas, con experiencia en centros de referencia estatal. Desde entón, consolidouse pouco a pouco no corazón da Coruña, en Riazor, creando unha rede de alumnado que fixo dela un referente na ensinanza teatral da cidade.
Subscríbete para non perderte ningún dos nosos eventos, proxectos, datas de matrícula e moito máis.
Financiado por la Unión Europea-Next GenerationEU
