A nosa entidade foi seleccionada no ano 2025 como beneficiaria do bono de mellora de iluminación, dentro do Programa Bono Enerxía PEME do INEGA - Instituto Enerxético de Galicia. Grazas a esta axuda, vimos de levar a cabo a renovación dos equipamentos de iluminación escénica das nosas instalacións, o que nos permitirá mellorar a eficiencia enerxética e reducir o consumo das nosas actividades escénicas e formativas. Nomeadamente, a renovación destes equipos permitirá aumentar a vida útil da iluminación escénica, mellorar a súa eficacia luminosa e reducir a nosa pegada enerxética, cun aforro estimado no consumo eléctrico por equipo de iluminación de entre o 88 e o 96%, segundo o modelo. Esta actuación foi financiada pola Xunta de Galicia, a través do INEGA, e enmárcase no noso compromiso compartido pola transición cara a un modelo de actividade cultural máis sostible e respectuosa co medio ambiente.